Японы AOTS байгууллага болон Монголын ажил олгогч эздийн нэгдсэн холбоо хамтран “Ажил олгогч эздийн байгууллагын хамтын ажиллагааны хөтөлбөр”-ийн хүрээнд зохион байгуулдаг "Удирдах ажилтнуудын хөдөлмөрийн харилцаа ба хүний нөөцийн менежмент" сэдэвт сургалтанд урьж байна.

Сургалт болох хугацаа:

2021 оны 10 дугаар сарын 12-оос 12 дугаар сарын 17 хүртэл

Сургалтанд хамрагдах хүний тоо:   21 /олон орны төлөөлөл хамрагдана/.

Сургалтанд хамрагдах орнууд: Бангладеш, Камбодж, Фижи, Гана, Энэтхэг, Индонез, Лаос, Малайз, Мексик, Монгол, Мьянмар, Непал, Пакистан, Филиппин, Өмнөд Африк, Шри-Ланк, Тайланд, Турк, Вьетнам

Сургалт явагдах хэл: Англи хэлээр явагдана. Мөн Японоос Англи хэл дээр орчуулгатай явагдана. Иймд англи хэлний мэдлэг дундаас дээш түвшинд байх хэрэгтэй.  

Сургалтанд оролцогчдын материалыг Япон улс руу явуулах эцсийн хугацаа: 2021 оны 09 дүгээр сарын 03-ны өдөр. Иймээс сургалтанд хамрагдах хүсэлтэй оролцогчид МАОЭНХ-нд сургалтанд хамрагдах материалуудаа 2021 оны 09 дугаар сарын 02-ны өдөр 17.00 цаг гэхэд ирүүлсэн байх шаардлагатай болно.

Сургалтын зорилго: Энэхүү семинар нь Японы хөдөлмөрийн харилцаа, хүний ​​нөөцийн менежментийн практикийг өөрийн орны системтэй харьцуулж ойлгох, гүйцэтгэх удирдлагын үүднээс тулгарч буй асуудлуудын шийдлийг олох, компанийн хүний ​​нөөцийн төлөвлөлтийг оновчтой болгох чадварыг дээшлүүлэх зорилготой юм.

Сургалтанд хамрагдах зорилтот оролцогч:

Ажил олгогч эздийн байгууллагуудын удирдах түвшний албан тушаалтнууд, эсвэл аж ахуйн нэгж, байгууллагуудын ахлах менежерүүд, хөдөлмөрийн харилцаа болон хүний нөөцийн асуудал хариуцсан мэргэжилтнүүд хамрагдана.

Сургалтын төлбөр: 250,000 төгрөг

Уг сургалтын талаарх дэлгэрэнгүй мэдээллийг МАОЭНХ-ны Ерөнхий зохицуулалтын газрын дарга Э. Энхжаргалтай холбогдож авна уу. Утасны дугаар 94091854.