Мэдээ мэдээлэл
Онцлох мэдээ
Арга хэмжээ
Дүрст мэдээ
Нийгмийн даатгалын багц хуулийн төсөлд ажил олгогч, эзэд болон мэргэжлийн холбоодоос санал авах уулзалт

Нийгмийн даатгалын багц хуулийн төсөлд ажил олгогч, эзэд болон мэргэжлийн холбоодоос санал авах уулзалт

2023/03/23
МАОЭНХ нь Нийгмийн бодлогын байнгын хороотой хамтран "Нийгмийн даатгалын багц хууль"-ийн төсөлд ажил олгогч, эзэд болон мэргэжлийн холбоодоос санал авах уулзалтыг 03 дугаар сарын 10-ны өдрийн 10.00-12.00 цагийн хооронд Төрийн ордны Сүхбаатар танхимд амжилттай зохион байгууллаа. Уг хэлэлцүүлэгт хувийн хэвшлийн болон мэргэжлийн холбоодын төлөөлөл болох нийт 60 гаруй хүн хамрагдлаа.
Хэлэлцүүлгийг нээж УИХ-ын гишүүн, Нийгмийн бодлогын байнгын хорооны дарга П.Анужин "Нийгмийн даатгалын багц хууль"-нд орж байгаа реформын өөрчлөлтийн талаар товч дурьдан үг хэллээ.
"Нийгмийн даатгалын багц хууль"-ийн шинэчилсэн найруулгын төслийн танилцуулгыг ХНХЯ-ны төрийн нарийн бичгийн дарга Г.Өнөрбаяр танилцуулж, оролцогчдын асуултанд хариулж, санал бодлоо хуваалцлаа.
Мөн МАОЭНХ нь хэд хэдэн удаагийн хэлэлцүүлгээр ажил олгогч, эздээс гарсан саналуудыг нэгтгэн боловсруулж, албан бичгээр ХНХЯ-нд хүргүүлж ажилласан бөгөөд өнөөдрийн хэлэлцүүлэгт УИХ-ын гишүүн, НББХ-ны дарга, Нийгмийн даатгалын багц хуулийг УИХ-аар хэлэлцүүлэх ажлын хэсгийн дарга П. Анужинд саналуудыг албан бичгээр хүлээлгэн өглөө.